Ram tan Ronaldo kir dawn

Cristiano Ronaldo chu World Cup qualifier-a Andorra leh Faroe Islands hmachhawn tur Portugal squad-ah telh a ni ve leh ta.

Real Madrid forward hian Euro 2016-ah khan an ram a champion pui a, final-a France an hneh ṭumin a khupah hliam a tuar a, thla hnih zet a chawlh a ngaih phah. Euro zawh hnuah tun ṭum hi an koh lehna hmasa ber a ni.

Portugal hian Group B-a an match hmasa berah Switzerland lenchilhin 2-0 in an chak lo a, October 10 hian Andorra an lo mikhual dawn a, hemi hnuah Faroe Islands khel turin an zinchhuak ang. Swiss an hneh loh ṭuma hliam vanga inlan thei lo dang Bayern Munich midfielder Renato Sanches, Andre Gomes (Barcelona) leh goalkeeper Anthony Lopes (Lyon) te chu squad-ah an kir leh vek tawh bawk.

Portugoal coach Fernando San-tos chuan, "Ronaldo hi kum 18 a nih aṭangin ram tana khel tura koh a ni tawh a, theihna sang tak nei a nih bakah hotu ṭha a nih avangin kan hnena a awm thei leh ta hi a lawmawm hle," tiin a sawi.

Portugal squad

Goalkeepers: Rui Patricio (Sporting), Anthony Lopes (Lyon), Marafona (Braga)

Defenders: Antunes (Dynamo Kiev), Bruno Alves (Cagliari), Cedric Soares (Southampton), Jose Fonte (Southampton), Joao Cancelo (Valencia), Pepe (Real Madrid), Raphael Guerreiro (Dortmund)

Midfielders: Adrien Silva (Sporting), William Carvalho (Sporting), Andre Gomes (Barcelona), Danilo Pereira (FC Porto), Joao Mario (Inter Milan), Joao Moutinho (Monaco), Renato Sanches (Bayern)

Forwards: Cristiano Ronaldo (Real Madrid), Andre Silva (FC Porto), Bernardo Silva (Monaco), Eder (Lille), Gelson Martins (Sporting), Nani (Valencia), Ricardo Quaresma (Besiktas).