Chennai Superstarz an chak nawn

Nilaini zan khan Premier Badminton League (PBL) khelh chhunzawm a ni a, an match hmasa lama hnehna chang tawh Chennai Superstarz chuan Mumbai Rockets 4-3 a hneh lehin inelna bul an ṭan fuh hle.

Jawaharlal Nehru Indoor Stadium, Chennai-a inkhelah Chennai hian mixed doubles bakah men's singles match hnihah hnehna an chang. Mumbai lamin men's doubes leh women's singles lamah hnehna chang ve mah se an chak zo lo. Chennai hian match hnih an khelh tawhah point kua (9) hmuin table hmahruaitu an ni, zanin hian Bengaluru Raptors nen an inhmachhawn leh ang.