Midang tan Drogba a luang chhuak
Chelsea striker hlui Didier Drogba chu Covid-19 do turin a theihtawpin a che chhuak a, an rama a mimal dawmdawi in chu hri leng kaite enkawl nan a thawh a ni.
Ivory Coast tan player a nih laiin Drogba hian match 105 a khelh aṭangin goal 65 a khung, inkhelh a chawlhsan hnuah pawh an ram mipui lawmna a siam zel. Abidjan hmuna a din Laurent Pokou hospital chu phal takin a thawh.
Politician leh an bialtu ni bawk Vincent Toh Bi chuan, "Ram tana Drogba inpekna hi a ropui kan ti hle. Sorkar thuneitute nena inbe rawnin damdawi in hman ṭangkai dan tur hi kan ngaihtuah ang," tiin a sawi.
Ivory Coast ramah nimin tlai thleng khan coronavirus kai mi 533 an awm tawh a, an zinga pali chuan an thihpui.