Vawiinah Mizoram Downhill Challenge 2025

Mizoram Cycling Association (MiCA) chuan vawiin hian Sakawrhmuituai Tlang, Lungdai-a Ridgeline Trail-ah thirsakawr hmanga kawng chhuk mangkhenga intlansiak Downhill Challenge a buatsaih dawn.

Aizawl khawpui chhunga Urban Downhill buatsaih hlawhtling takah khan Mizo ṭhalaite huaisen zia leh theuneu lohzia khawvelin a hmu tawh a, tun ṭumah hian khaw pawn a tlan kawng thui zawk, chhuk leh chep takah Mizo ṭhalaite Open-ah leh Junior category-ah an inel ve leh dawn.

Open hi kum 18 chunglam, a duh leh a ngam apiangte inelna tur a ni a, Junior category ah hian kum 2011-2014 inkara piang te an inel thung ang.