Walker a chawl rih dawn

AC Milan-a loan-a khel mek, Manchester City full back Kyle Walker chu a kiu hliam vangin a chawlh rih a ngai dawn a, England international hi a kiu hliam zai a nih thu Milan khaw club chuan an puang a ni.

Kum 34 mi Walker hi engtia rei nge a chawlh dawn puan tel a ni lo a, Milan chuan, "A kiu hliam a dam vat a, a inenkawl vat theih nan Walker hi zai a ni a, hlawhtling takin engkim kalpui a ni. Tunah chuan inenkawl dam turin theihtawp kan chhuah zui ang," an ti.

Walker hian training-naah a kiu hi a tihliam a, a chawlh rih a ngaih phah dawn. Milan hian January thla khan season tawp thleng an hnena khel turin loan-in an la a, a ngheta lei theihna dan tur pawh an ziak tel.

Mahse, Manchester City manager Pep Guardiola-a ruahmannaa tel tawh lo right back dam chak dan hian Milan-a a hma hun pawh hril tura ngaih a ni a, Serie A club tan player inhliamsa lei ringawt a fuh lo mai thei.

Walker hian Rossoneri a pan hnuah inelna hrang hrangah match 12 a khel tling der tawh a, Serie A-ah pakuana ni mekin, Coppa Italia-ah semifinal an lut tawh thung.