Lat 16-ah Sindhu a lut

Badminton Asia Championship 2025 khelh laiah PV Sindhu chuan last 16 a inhlangkai a, hetih lai hian HS Prannoy erawh beisei phak loin a zinkawng a tawp thung.

Olympic medal vawi hnih dawng tawh Sindhu hian Indonesian mi Ester Nurumi Tri Wardoyo chu 21-15, 21-19 in a hneh a, a hmabak chu Japan nula Akane Yamaguchi a nih avangin a awlsam dawn lo.

Mipa singles lamah HS Prannoy chu Chinese player Zu Guang Lu lakah 16-21, 21-12, 11-21 in a a chak lo, player pahnih an inkhel tawk hle, darkar khat leh minute riat zet an inbeih hnuah India tlangval hi a vanduai zawkah a ṭang.

Lakshya Sen pawh Lee Chia Hao lakah 18-21, 10-21 in a chak lo a, hetih lai hian Kiran George erawhin minute 35 chhungin Dmitriy Panarin chu 21-16, 21-8 in a lo hneh thung a ni.