Martin a intlansiak theih beisei

MotoGP champion Jorge Martin hliam a dam tawh a, tun kar tawpa Qatar Grand Prix an tlan hunah chuan a inlan theih tawh beisei a ni, intlansiak hmain a dinhmun erawh ennawn leh a ni ang.

Season hmasa khan Ducati bike khalh chungin Martin hi a champion a, kuminah Aprilia a zawm - a team thar tan hian tun season atana inbuatsaihna an neih laiin a chesual a, intlansiak hmasa pathum chu a hmachhawn thei lo.

Martin chuan, "Ka taksa leh rilru lam dinhmun chu a ṭha tawh. Qatar rama inelna neih ve ka chak takzet a, chutiang ti thei tur dinhmuna ka ding ve ta pawh hi ka lawm hle.

"Mahse, intlansiak hi ka tlan tluan thei ang em tih te, a hmain harsatna dang a lo thleng leh palh mai ang em tih te ka ngaihtuah nasa hle, keimah chauh ni loin team thutlukna ka ngaichang ang," tiin a sawi.

Martin tlan theih loh karah Marc Marquez chuan inelna pathum an neih tawh zinga pahnihah hnehna a chang a, a unau pa Alex Marquez chu championship hmahruai mektu a ni thung - Martin tan nomawi humhim chu thil harsa a ni ang.