MPLU17 fixtures a chhuak

Mizoram Premier League Under 17 chu April 14, Thawhṭanni aṭangin RG Stadium, Mualpuiah khelh ṭan a ni dawn. Inelnaah hian team pariat an awm a, vawi khat ṭheuh an inkhelh kual hnuah a sang paliin semifinal an khel ang. Final khel tur zawnna hi May 1, Ninganiah khelh ang a, champion tur zawnna hi May 2, Zirtawpnia khelh tura ruahman a ni.

Inelna hmachhawn tur club-te chu Aizawl FC, Chanmari FC, Mizoram Police FC, SYS FC, Dinthar FC, Kanan FC, Kulikawn FC leh Saikhamkawn FC te an ni. MPLU17-ah hian MPL club-te an inel ṭhin a, tun season-ah erawh club pathum Ramhlun Athletic, FC Bethlehem leh Sihphir Venghlun te hrem an ni a, Chawnpui FC pawh an relegate hnuah an kal mumal loh avangin MPL Board chuan MPL11 club ni loin MPL12 club-te a khelhtir.

MPL12-ah hian champion hmasa ber Dinthar FC chu an rawn kir dawn a, Saikhamakawn FC-in an rawn telh bawk dawn. MPL kaithar Lawngtlai club MLS an tel theih loh avangin an aiah Kulikawn FC dahluh an ni a, kai thar dang Kanan FC an inlan bawk ang.