Spurs lakah Golden State an chak lo

Nimin zing NBA regular season inkhelah San Antonio Spurs chuan Golden State Warriors lakah 114-111 in hnehna an chang a, chak chiang sa sawi lawk theih loh a nihzia a takin an lantir.

Western Conference table-ah Golden State hi pasarihna an ni a, a thiam zual pariat zinga tel turin an dinhmun a ṭha tawk. Mahse, Spurts erawh table hnuai lama talbuai an ni thung a, an chunga mi an hneh tihna a ni.

Spurs tan hian mimal a langsar fal tak an awm lo, mahse player pasarih ngawtin point 10 an nei tling thei a, thawhhona ṭha hmangin team ṭha Warriors an hneh.

NBA regular season a zo hnai, conference pahniha a sang zual pariatten post season an hmang ṭhin. A sang zual paruk te chu playoff khel turin an tling nghal a, hmun ruak pahnih la awm chu pasarihna aṭanga 10-na inkar te chuan play-in hmangin an zawng hmasa ve leh ṭhin a ni.