Titans an chak nuamsa

Indian Premier League-ah Gujarat Titans-in Rajasthan Royals 58 runs-in an sawp. Nilaini zan inkhelah hian Titans-in bat hmasain 217/6 runs an siam a, Rajasthan-in 159 (19.2) chauh siamin an thi fai vek.

Narendra Modi Stadium-a inkhelah Gujarat opener Sai Sudharsan a che ṭha a, ball 53-ah 82 runs a siam. Sudharsan hi Jos Buttler (36) leh Shahrukh Khan (36) an thlawp ṭha a, over 20-ah 217 an tlin.

Royals lamin Gujarat bowler Prasidh Krishna an ngam lo a, ani hian over liah 24 runs siam tirin wicket thum a la. Rajasthan tana run siam tam ber Shimrom Hetmyer-a'n 52 runs a siam a, Sanju Samson-a'n 41 runs siam bawk mah se team angin an khel ṭha lo a, over 19.2-ah an thi fai vek a, 159 runs chauh an siam.

Titans hian match nga khel tawhin vawi li an chak a, hmahruaitu an ni mek. Zanin dar 7:30 hian Chennai Super Kings leh Kolkata Riders te an inkhel ang.