Sporting Clube de Goa an chak lo

Nimin I League 2 inkhelah Chanmari FC elpui Sporting Clube de Goa-in Neroca 2-1 in an hneh lo a, I League khel turin Mizo club dinhmun a ṭha sawt.

Khuman Lampak Stadium, Imphal-ah player 10-a khel chungin Neroca-in hnehna an chang a, Goan club an vanduai tel ve bawk - penalty an hlah. Armando Colaco hote hi an chak loh avangin match 14 aṭangin point 25 an hmu a, Mizo club point ngain an pha lo.

Sporting hian FC Bengaluru United leh Sat Tirur an hmachhawn dawn a, an chak ve ve a nih chuan point 31 an hmu thei dawn. Mizo club tan I League khel turin match hnihah point hnih chauh hmuh a ngai tawh a, RG Stadium-a Diamond Harbour an hneh theih chuan I League khel turin an tling ang.

Hei chauh hi a la ni lo, April 19, Inrinni-a Diamond Harbour nena an inkhel tur hi I League 2 final ang hiala chhal theih a ni. Mizo club hian Kolkata club hi an hneh chuan I League kai ringawt loin I League 2-a champion theih dan a awm.