Inzaghi lakah Inter thuneitute an lungawi

Inter Milan CEO Giuseppe Marotta chuan an coach Simone Inzaghi hna thawh danah an lungawi tih a sawi a, an club dinhmun chu mi dang te pawhin nih ve a châk hial tih a sawi.

Serie A nomawi an kawl mek a, tun season kal laiah hma an hruai mek bawk - Champions League quarterfinal-ah Bayern Munich lakah dinhmun ṭha zawk an ni bawk, an tan season duhawm a ni.

Marotta chuan, "Inzaghi hnuaiah kan vannei thei hle, kan vanneih chhan chu kan thawhrim vang a ni bawk. Antonio Conte-a'n min chhuahsan khan team enkawl tu tur zawn hmuh kha a awlsam lo hle.

"Hming langsar leh ropui tak tak chu an awm, mahse Inter Milan duh anga kal thei leh kan club khelh dan phung hrechiangtu kha kan mamawh a, a chhanna kan hmuh hi kan tan chuan vanneihna a ni," tiin a sawi.