Howe-a a damlo

Newcastle manager Eddie Howe chu damlohna avangin damdawi inah dah luh a ni a, nizana Magpies-in Manchester United an hmachhawn ṭumah team a enkawl thei lo.

Howe hian November 2021 aṭangin Magpies hi a enkawl ṭan a, season thum chhungin 11-na, palina leh pasarihna a nihpui. Thla liam ta khan League Cup final-ah Liverpool hnehin tualchhung inlena bikah kum 70 hnua a vawi khat nan Newcastle United nomawi a chawipui.

Nimin chawhnu khan BBC chuan Man United manager Ruben Amorim-a'n Magpies hmachhawn tur squad-ah Andre Onana a tel lo a, goalkeeper Onana hi khelmual pawnah Lyon midfielder Nemanja Matic nen inchhang lawkin Europa League quarterfinal first leg-ah a chesual zui bawk. Matic hian Onana hi Man United goalkeeper awm tawha chhe ber tiin a sawi a ni.