Damlo enkawlna hmun atan Maracana
Brazil khawpui Rio de Janeiro-a awm Maracana sports complex chu coronavirus vanga damlo enkawl nan leh thil pawimawh dang atan hman lailawk a ni dawn.
Ningani zan thleng khan Brazil ramah Covid-19 kai hi mi 2,900 an chuang tawh a, stadium enkawltu lam chuan damlo hi pum belh zel thei an nih vang leh, enkawlna hmun indaih lo thei an nih avangin an hmunhma hman an phal thu hi an sawi.
Rio Olympic neihna hmunpui Maracana Stadium hma hian Sao Paulo mual Pacaembu stadium leh Mane Garrincha stadium-te chu hman lailawk a lo ni tawh bawk.
Maracana Stadium hi khawvel khelmual hmingthang berte zinga mi a ni a, 2016 Olympic hawnna leh kharna neihna hmun a nih bakah 2014 FIFA World Cup final khelhna hmun kha a ni bawk.