Diamond Harbour-in champion an hnaih

I League 2-ah hmahruaitu Diamond Harbour-in Zirtawpni zan khan Sat Tirur 2-1 in an hneh a, match hnih chauh khelh tur awm tawhah point liin an sang fal tawh. Kolkata club hi I League khel turin an tling tawh a, champion turin April 19, Inrinnia Chanmari FC an hmachhawn huna point hmuh a tawk ang.

Chutihrualin Payanad Stadium, Manjeri-ah nuam sain Diamond Harbour an chak bik lo a, Pintu Mahata hmangin minute 61-naah hma hruai mah se Aqib Nawab hmangin Sat Tirur-in an sut lehnghal. Kolkata club tan Suprodip Hazra-a'n minute 79-naah chakna goal a khung a, 2-1 in hnehna an chang.

Diamond Harbour hian Chanmari FC leh Bengaluru United an la hmachhawn dawn. Chanmari FC pawhin Diamond Harbour leh Klasa te an hmachhawn huna point hnih an hmun theih chuan I League khel turin an tling ang. Mizo club elpui Sporting Clube de Goa-in Bengaluru United leh SAT Tirur te an la hmachhawn dawn a, Goan club hian point an hloh chuan Chanmari FC-in point hmu tawh miah lo mah se an tling tho ang.