Covid-19 kai Gaviria a dam
Colombian sprinter Fernando Gaviria chuan Ningani zan khan coronavirus hneha a dam tawh thu a sawi. A dinhmun ṭha tawh mah se infiamna khawvel a chawlh mek avangin in lamah training a nei zui ang.
Kum 25 mi Gaviria hi February thla khan Emirates Tour-ah inlan tur a ni a, mahse an team inlan tur bakah he infiamna huanga tel tur ṭhenkhat chuan coronavirus an kai tih hriat a nih avangin an ṭhulh.
Intlansiak bakah cycle khalh thiam vanga hmingthang tak Fernando Gaviria chuan, "Min endikna hnuhnung berah chuan hri leng lakah ka fihlim tawh a, damdawi in aṭanga chhuah ka ni.
"Tu tan pawh damloh chuan a nuam lo ang, a bik takin infiammi tan chuan engmah ti thei loa awm chu a hrehawm takzet. Mahse, he natna hi hneh theih a ni tih a chiang, tunah chuan inlamah chhungkua a hlim taka hun hman hlan ka nghakhlel tawh hle," a ti.