Covid-19 do nan tan PV Sindhu a che chhuak
Badminton world champion ni lai PV Sindhu chu Covid-19 do nan a che chhuak a, state pahnih Andra Pradesh leh Telangana chief minister relief fund atan Rs 5,00,000 ve ve - a vaiin Rs 10,00,000 a thawh.
Times of India Sports-in nimin tlaia a tarlan dan chuan India raman coronavirus kai mi 600 an chuang tawh a, mi 13-in an thihpui tawh. Tun dinhmunah ram pumah inkharkhipna hun hman mek a ni.
Hyderabad nula Sindhu chuan, "Andra Pradesh leh Telangane chief minister relief fund atan Rs 5,00,000 ve ve ka thawh, heng sumte hi Covid-19 dona kawnga hmalak nana thawh a ni," tin Twitter lamah a tarlang.
Rio Olympic silver medalist Sindhu hi Tokyo Olympic atan pawh a tling leh tawh. Mahse, Olympic neih hun tur sawn a nih avangin inelna lian hmachhawn tur chuan kum khat a nghah leh rih angai dawn tihna a ni.
Sindhu hi tun thlatir khan All England Badminton Championship 2020-ah a inlan. Birmingham aṭanga a rawn haw hnuah khung hran a ni a, a pa leh amah kaihhruaitu ni bawk P.V. Ramana chuan awm hmunah training zangkhai zawk a neih pui ṭhin.