PSG-in euro nuai khat thawh
French club ṭha Paris St-Germain chuan coronavirus vanga harsatna tawk te ṭanpui nan euro 100,000 (nuai 83.10) an thawh a, an sum thawh hi ṭanpuitu pawl Secours Populaire charity hnenah an pe.
Secours Populaire CEO Thierry Robert chuan, "PSG min thlawpnaah hian kan lawm takzet a ni," tiin a sawi a, an pawl hnuaiah hian midangte ṭanpui tura inpe mi 80,000 vel an awm thu a sawi tel bawk.
PSG hian Covid-19 do nan special jersey an tlangzarh bawk a, heta ṭang hian euro 200,000 hmuh theih an inbeisei - Paris-a damdawi in te ṭanpui nan he sum hi hman a ni ang.
France hi coronavirus tuar na pawl an ni a, he hri leng hi an ramah ringawt mi 1,300 chuangin an thih pui tawh a ni.