Rugby Football Union sum hloh tur a tam tham
England rugby-a thuneitu sang ber Rugby Football Union chuan thla 18 lo awm tura an sum hloh tur zat chu pound maktaduai 45- 50 inkar a nih tur thu an sawi a, heti zat sum an hloh chhan hi coronavirus vanga an ruahman ang thilte an kalpui theih loh vang a ni.
RFU hian an hnuaia club talbuaite puihna turin pound maktaduai sarih vel an ruahman thu a sawi a, hetihlai hian RFU chief executive Bill Sweeney leh a thawhpuite chuan an hlawh 25% in an ti hniam dawn bawk.
Hetihlai hian RFU hnuaia hlawh sang ber England head coach Eddie Jones leh coaching staff dangte pawhin 25% a hlawh tih hniam an pawm a, hei hian bonus leh pension an dawn tur te pawh a huam vek ang.