Eddie Howe dinhmun a ṭha zel

Newcastle United manager Eddie Howe chu pneumonia vangin enkawl a ni a, tunah chuan a dinhmun ṭha tawhin damdawi inah enkawl la ni mah se dinhmun ngaihtuahawm a ni lo tih a club chuan an sawi.

Kum 47 mi Howe hi a nawm sam loh reng avangin kar hmasa Zirtawpni khan damdawi inah hruai a ni a, kar tawpa Manchester United nen Premier League match an khelh ṭum pawhin a naute a kaihruai thei tawh lo.

Man United lakah assistant manager Jason Tindall chuan Magpies a kaihruai a, zanina Crystal Palace an mikhual hunah pawh Tindall leh Graeme Jones ten team enkawl hna an lo thawk leh phawt ang.

Eddie Howe chuan, "Newcastle United chhungkua mai bakah football kaihhawih mi ṭhahnem takin dam leh thuai tura min duhsakna thu tam tak ka dawng a, tunah hian a rang lama dam leh thuai turin ka in enkawl mek.

"Team kaihhruai leh hlan ka nghakhlel em em a, a rang thei ang bera lo kir leh ka tum ang," a ti. Magpies chuan an manager chu dam thuai tura an duhsakna thu an sawi nawn bawk a ni.

Howe kaihhruaina hnuaiah Newcastle United hian Liverpool hnehin League Cup champion an ni tawh a, tunah chuan EPL-ah a sang thei ang bera season tawp hman an tum leh ang, palina an nih mek avangin season thara Champions League khelh beiseina an nei sang hle.