Blasters ngam loh Kolkata

Indian Super League khelh mekah Nilaini zan khan Atletico de Kolkata chuan 1-0 in Kerala Blasters an hneh a, an mikhualna ramah Kolkata club an tlangnel hle. Blasters khelmualah an state club
ṭawiawm turin fans 54,900 an pungkhawm a, an beisei ang erawh an hmu lo - minute 53-naah Spanish midfielder Javi Lara chuan he inkhela goal awmchhun hi a khung a, mikhual team-in hnehna an chang.

ATK match hmasa berah Robert Lalthlamuana'n inkhel bul ṭan mah se Kerala Blasters lakah erawh Khawzawl tlangval hi hmuh tur a awm lo a, Lunglei tlangval Lalrindika Ralte chuan inkhel bul la ṭan lo mah se second half-ah bench aṭanga tlan luhtir a ni thung.

Kolkata coach Francisco Molina chuan, "Game harsa tak kan hmachhawn hnuah hnehna kan chan avangin ka lawm a ni. Chennaiyin nen game hautak kan khelh hnuah Kochi khawpuiah zin lehnghal kan ngai a, hahdamna hun kan neih loh avangin a harsa lehzual a ni," a ti.

Zaninah NorthEast United leh Mumbai City an inkhel ve leh dawn a, match hnih an khelh aṭanga point ruk hmu tawh Highlanders tan tun season-a khualmuala an match khelh hmasak ber tur a ni ang.

Emerging Player of the Match Pratik Chaudhari

Hero of the Match Javi Lara, Atletico de Kolkata

Zanin Inkhel Tur

Mumbai City 07:00 PM NorthEast United