Ropui takin South Africa an chak

Nilaini khan South Africa chuan Australia target siam run 371 umphain ODI chanchina target khum hnem dawttu an ni. Record dinglai hi South Africa siam tho a ni a, kum 2006 khan Australia lakah hian run 438 vaw chhuakin target umphak theih loh tura ngaih chu umphain record an lo siam tawh.

Australia hian over 50-ah run 371 siamin mi paruk chiah an hloh a, David Warner leh Steve Smith te chuan century an vaw chhuak ve ve. South Africa tan run 371 hi um huphurhawm tak angin lang mah se David Miller (118), De Kock (70) leh Andile Phehlukwayo (42) te an chet ṭhat avangin South Africa hian ball li ala awm tihin an target hi an umpha a, wicket ruk chiah an hloh hi.

South Africa hian target um hlawhtling pahnihna India chu pahnihna dinhmun luah tur hian an pel a, India hian kum 2013 khan run 362 siama mi pakhat chiah hlohin Australia lakah hian hlawhtling takin target an lo umpha tawh a, ODI chanchina target um phak hautak top 10-ah hian Australia hi vawi riat lai hnehna chan nan hman an ni.

Australia leh South Africa hian ODI series match nga an khel tawh a, match thum khelh tawhah Proteas (south Africa sawina) hian 3-0 in series-ah hma an hruai mek.