Number 1 Kerber a tla

Hmeichhe tennis world number 1 Ange-lique Kerber chu Elina SvitolinaElina Svitolina hneh loin China Open third round aṭangin a tla. Inkhel dangah Ag-nieszka Radwanska chuan Caroline Wozniacki hneh-in quarterfinal a lut thung.

Nimin Beijing-a inkhelah German nula Kerber hi Svitolina lakah hian 6-3, 7-5 in a chak lo. Kum 28-a upa Kerber hian last 16-a a khingpui lakah hian tun hma lamin vawi ruk ngawt hnehna a lo chang tawh a, tun ṭum hi vawi hnih a hneh lohna chiah a ni thung.

Inkhel dangah WTA number 3 Radwanska chuan world number 1 hlui Wozniacki lakah a chungnunzia lantirin 6-3, 6-1 in hnehna a chang. Nilaini khan champion lai Garbine Muguruza chu 6-1, 6-4 in Petra Kvitova-i'n a lo hneh tawh.

Britain number 1 Johanna Konta pawhin quarterfinal lut turin tun hma lama a tih theih ngai loh tiin world number 6 Karolina Pliskova chu 6-1, 3-6, 7-6 (7-2) in a lo hneh ve bawk.