Murray-a'n qurterfinal a lut

Andy Murray chuan Andrey Kuznetsov hnehin China Open quarterfinal a lut a, semifinal lut tur chuan Britain tlangval tho Kyle Edmund a nek chhuah a ngai dawn.

Seeded pakhatna Mur-ray hian last 16 inkhel-ah hian vawi nga double faults nei mah se darkar khat leh minute 16 chhungin Russian tlangval hi 6-2, 6-1 in a hneh. Inkhel dangah kum 21-a upa Edmund chuan world number 18 Roberto Bautista Agut chu inkhel inhnehtawk takah 6-4, 4-6, 6-4 in a hneh ve bawk - Britain tlangval Murray leh Edmund te hi quarterfinal-ah an in-hmachhawn zui dawn.

Last 16 inkhel dangah kum 34-a upa David Ferrer chuan a kum tam deuh tawh mah se a la
ṭhat tawkzia lantirin Fabio Fognini chu 6-3, 6-4 in a hneh. Spanish player Ferrer hian China Open-ah hian kum 2010 khan final a lo khel tawh a, nikum khan semifinal a lut bawk; kumina a title hmasa ber lak a tum mek.