Tlai dar 3:00-ah an sawn

17th April, 2025

I League 2-ah Chanmari FC leh Diamond Harbour te April 19, Inrinni hian RG Stadium-ah an khel dawn. Inkhelh hun hi ruahmanna hmasaah chuan chawhnu dar 1:00-ah a ni a, Mizo club-in sawn tlai tura an dil hnuah tlai dar 3:00-ah an sawn.

Dipankur Sharma hote hmachhawn tur Diamond Harbour hi table-ah hmahruaitu an ni mek a, I League khel turin an tling tawh. Mizo club hian Kolkata club hi an hneh a nih chuan season tharah I League khel turin an tling dawn.

I League 2-ah match hnih chauh khelh tur a awm tawh a, Chanmari FC hian Diamond Harbour bakah Manipur club Klasa an la hmachhawn dawn. Mizo club hian team pahnih hi an hneh a, Kolkata club-in match hnuhnung bera Bengaluru United an hneh loh bawk chuan Chanmari FC hi I League 2 champion an ni ang.