CYMA Football 2025 : 19 days to go

CYMA leh MFA ṭangkawpin May 6, 2025 aṭangin LBS Suzuki 22nd Inter Branch YMA Football Tournament an buatsaih dawn a, nimin thleng kha chuan team 23-in entry fee an pe tawh.

Entry Fee hi Rs. 1,000 a ni a, Central YMA Office emaw GPay hmangin 9774263515-ah a pek theih. Entry fee hi April 25, 2025 ral hma thleng a pek theih. Inelna pet hawnna hi April 29, Thawhlehni zan dar 8:00 hian CYMA Hall-ah neih a ni ang.

Player awmna tehfung atan Voter ID hman tur a ni a, kum tling lo ta Aadhaar hman tur a ni thung. ID pahnihah hian December 31, 2024 hnu lama transfer pawm a ni lo. MFA-in a hrem lai player-ten inelna an hmachhawn thei dawn lo.