MPLU17 khelh chhunzawm dawn

Mizoram Premier League Under 17 chu vawiin hian RG Stadium-ah khelh chhunzawm a ni dawn. Aizawl FC-in inelna bul an ṭan ṭha a, match hmasa pahniha chak ve ve awmchhun an ni. Vawiin tlai dar 1:30 hian AFC-in Dinthar FC an hmachhawn dawn a, intum tawk tura ngaih a ni.

Match hmasa berah Chanmari FC leh SYS FC te chawhma dar 9:30-ah an inkhel dawn a, point li ve ve an hmuh tawh avangin inbuk tawk viau turah an ngaih theih. Chhun dar 11:30-ah Kulikawn leh Kanan an inkhel dawn a, team nem pahnih an nih avangin intluk tawk tur thoah an ngaih theih.

Match tawp berah Mizoram Police leh Saikhamakawn FC te an inkhel dawn. MPL U17-ah Police hi ṭum hnih champion tawh mah se, vawiin bikah erawh inelna vawi khat hmachhawnna chauh Saikhamakawn FC chu rinkai zawk an ni ang.