Lazio Vs Bodo/Glimt

Italian club Lazio-in Europa League quarterfinal first leg-ah mak takin Bodo/Glimt 2-0 in an hneh lo a, khaw vawt vang chu ni tel bawk mah se Norwegian club hi an khel ṭha hrim hrim bawk. Zanin dar 12:30 hian Stadio Olimpico-ah second leg an khel ang.

Bodo/Glimt hian 2-0 in hma hruai tawh mah se Italy-ah result ṭha an nei ngai lo. Vawi ruk Italy an tlawh tawhah vawi nga an chak lo a, vawi khat an inhnehtawk. Italy an tlawh hnuhnun ber chu 2021-22 Conference League quarterfinal niin Roma lakah 4-0 ngawtin an tlawm.

Hei bakah hian Lazio hi an mualah Europa League match hnuhnung 13-ah chak loh an nei lo a, chutihrualin April 2018 hnuah knockout stage chinah chak hmel an la hmu lo. Bodo/Glimt captain Patrick Berg chuan, "Dinhmun ṭha takah kan indah a, mah se chhan hrang hrang vangin khualmualah chuan result ṭha neih a harsa dawn," tiin a sawi.