Spurs tan nomawi?

Tottenham Hotspur manager Ange Postecoglou-a'n a team enkawl tawh zawng zawngah season hnihnaah nomawi a chawi ziah a, Spurs-ah season hnihna hmang chhe mah se nomawi beiseina a la nung ve zel. Zanin dar 12:30 hian Postecoglou hote hian Eintracht Frankfurt hmachhawn turin Deutsche Bank Park an tlawh ang.

London-a an inkhelh ṭumin Spurs-in inkhel thunun mah se hun tawpah 1-1 a ni a, a tawp a khar ṭha lo. Postecoglou chuan, "Khatiang anga ṭhaa kan khelh leh chuan semifinal luh theihna kawng a inhawng zau. Hun pawimawh hmachhawn turin ka naute an inpeih a ṭul a ni," tiin a sawi.

Eagles hian ṭantu mipui an nei ṭha a, Spurs tan Germany-a hnehna chan a harsa dawn. Eintracht Frankfurt hi mahni muala khel tur an ni a, an tawh a khirh sawt ang. Kartawp khan Frankfurt hian Heidenheim chu an mualah 3-0 in an sawp a, Spurs lakah pawh hnehna chan theih ngei an inbeisei ang.