Chelsea tan chak hun

Premier Lesgue lamah an result a ṭha tawk lo, an tan chuan Conference League quarterfinal hi insiamṭhat theihna hun a ni ang - Chelsea chuan zanin dar 12:30 hian Legia Warsaw an lo mikhual ang.

Enzo Maresca naute hian Poland ramah 3-0 in hnehna an lo va chang tawh, tun ṭuma an inkhelna tur hi Stamford Bridge a nih avangin chak chiang tura ngaih an ni a, chutihrualin chetsual ve theih a nih avangin an fimkhur tho chu a ngai.

Kar tawp EPL inkhelah Blues hi Ipswich Town nen 2-2 in an inhnehtawk, table mawng lama talbuai lai lakah goal hnih an chhuah avangin an tlarhnung lam chu inenfiah an ngai hle tih a chiang.

Legia Warsaw coach Goncalo Feio chuan, "Mahnin inven kan ngai dawn a, chumi rual chiah chuan goal khung kan ngai bawk. First leg kan khelh ṭum khan counter attack kan hmang ṭangkai viau a, tunah chuan tih hlawhtlin lehzual kan tum ang," tiin a sawi.

Maresca enkawl Chelsea tan Conference League hi season thara European football khelh leh theihna kawng hnai a ni. Italian manager tan nomawi chawi theihna kawng awsam leh hnai ber tura ngaih a ni bawk, semifinal lut turin goal chhuah tam loh a tawk.