111 runs chakpui thei Punjab

Punjab Kings-in IPL record thar an siam a, 111 runs chakpuiin target hum tlem thei ber record an siam. New Chandigarh-a inkhelah Punjab-in 111 runs chauh siam mah se Kolkata Knight Riders-in 95 runs chauhin an chhanglet a, mualneituin 16 runs-in hnehna an chang.

Thawhlehni zan inkhelah Kings-in bat hmasak thlangin opener Priyansh Arya (22) leh Prabhsimran Singh (30) te che chhe lo mah se 20 runs siam tling an awm tawh lo a, over 15.3-ah thi fai vekin 111 runs chah an siam.

Knight Riders tan hna harsa tur niin lang lo mah se Marco Jansen (17/3) leh Yuzvendra Chahal (28/4) te an ngam lo. Over 15.1-ah KKR hian 95 runs chauh siamin an thi fai vek a, Punjab-in record thar an siam thung.

Zanin dar 7:30 hian Mumbai Indians leh Sunrisers Hyderabad te an inkhel ang.