Inter-in player hralh tur zingah Eriksen an dah

Inter Milan chuan kumin January thlaa pound maktaduai 16.9-a an lakluh Christian Eriksen chu January thlaa player hralh tur zingah an dah tel.

Danish midfielder Eriksen hian Spurs-ah hming chher mah se Inter Milan-ah khelhna hmun chan a harsat. Inter chief executive Beppe Marotta chuan, "Eriksen hi hralh tur zingah kan tel. Inhremna lam a ni lo a, khelhna hmun chan a harsat avangin hmun danga khelhna hun siam sak kan duh a ni," tiin a sawi.

Kum 28 mi Eriksen hian kumin August thlaa khelh Europa League final-ah khan bench aṭangin a lut a, Inter Milan-in Sevilla an hneh lo. Danish midfielder hian Inter tan match 38 a khel tawh a, season liam ta khan goal li khungin assist vawi thum a nei. Tun season-ah erawh goal leh assist a la nei lo.