Bayern Munich chungah Inter Milan

Inter Milan chuan Bayern Munich aia team ha zawk an nihna an lantir - Nilaini zan khan Serie A champion hian Bayern Munich an lo mikhual a, 2-2 in inhnehtawk mah se an intawn tawhna hmasa nen belhkhawmin 4-3 in an chak.

Italian club hian Allianz Arena-ah 2-1 in hnehna an lo chang tawh a, an dinhmun a ha sa. Mahse, San Siro-ah Bavarians striker Harry Kane chuan goal hmahruai khungin team pahnih te dinhmun a inthluktawk ta chiah.

Bayern lawm chhung erawh a rei lo - goal an neih aanga minute 10 a liam hmain Inter Milan lamin goal hnihin an chhanglet. Striker Lautaro Martinez leh Banjamin Pavard ten an khung a, hun tawp dawna Eric Dier goal khung in awmzia a nei phak tawh lo.

Inter Milan coach Simone Inzaghi chuan, "Kan result hian thil nihna chu a pholang ni maiah ka ngai. Italian champion kan ni a, inelna lian leh boruak sangah Italian club chu kan chiai tur a ni lo," tiin a sawi.

Serie A champion hian semifinal-ah chuan Barcelona an hmachhawn leh dawn a, inkhel a hmuhnawm ang. Inter captain Martinez pawhin dinhmun hniama an din hnua an beidawng lo chu an chak chhan niin a sawi ve bawk.

Bayern Munich an chak lo a, an legend Thomas Muller chuan Bavarians tana UCL match a khelh tawpna a ni nghal. German forward hian UCL match 163 a khelhsan hman a, inelna liana hian ani aia khel tam chu Cristiano Ronaldo (183) leh Iker Casillas (177) te chauh an ni.

Muller hi a khelh pui ten zahna an lantir a, inelna hrang hranga a match hnuhnung ber la ni chiah lo mah se a hnuk a ulh. Muller chuan, "Thua ka sawifiah thiam loh chu ka taksa in a lantir a ni," a ti a, vawi hnih a champion tawhna UCL a mangha.

Bayern Munich manager Vincent Kompany chuan, "Kan tan chuan legend a ni a, tun aanga rei loteah hian a hmun ruak zau zia chu kan la hre chho dawn chauh," tiin a sawi. UCL aangin tla tawh mah se Bundesliga title lak let ngei an tum ang.