Mohun Bagan-in Neroca an sawp

24th January, 2020

Nimin tlai I League inkhelah Mohun Bagan chuan Khuman Lampak Main Stadium luhchhuahin Neroca 3-0 in an sawp. Kolkata club tan hian Suhair Vadakkepeedika-a'n goal hnih a khung a, Pap Babacar Diawara-a'n goal khat a khung bawk.

Mariners hian match kua an khelh aṭangin point 20 an hmu a, anmahni hnaih bertu Punjab FC aiin point rukin an hmu tam zawk. Mohun Bagan hi Indian Super League club ATK nen an inzawm tak avangin tun season hi I League an khelh hnuhnun ber tur a ni tawh a, season khar nan champion ngei an duh ang.