Min la kawm rih a ngai dawn - Postecoglou

Tottenham Hotspur chuan Ningani zan khan Europa League semifinal lut turin Eintracht Frankfurt 1-0 in an hneh a, inkhelh banah ban theih dinhmuna ding Spurs boss Ange Postecoglou chuan, "Min la kawm rih a ngai dawn," tiin ban tura a chanchin ziaktu journalist hmaah a sawi.

English club hian minute 43-naa Dominic Solanke penalty hmangin Eintracht Frankfurt an hneh a, Postecoglou hnuaiah champion beiseina an chhi nung zel. Spurs hian German club hi hneh lo se chuan Premier League-ah 15-naah an awm mek avangin manager Postecoglou hi an ban thei hial ang. Tunah erawh Spurs thuneituten Postecoglou chunga thutlukna siam nan Europa League an ngaihchan a ṭul ang.

Spurs hian semifinal-ah Lazio barakhaihtu Bodo/Glimt an hmachhawn ang a, semifinal pakhat zawkah Rangers hnehtu Athletic Bilbao leh Manchester United te an inkhel dawn. Final khel tur zawnna first leg hi May 1, Ningani zanah khelh a ni ang a, May 8, Ningani zanah second leg khelh a ni thung ang.