Chanmari Thuchhuah

I League club kan ni ve ta mai hi awih a la har a, season khat chhungin I League 3 leh 2 kan khel a; season tharah I League kan khel ve mai tur hi Pathian kaihhruaina leh awmpuina kan chang tih kan chiang a, kan lawm hle a ni.

I League 2 hi a hautak em em mai a, I-League nen a kalphung a inang reng mai. Beidawng chang te pawh kan nei mah se Mizo mipui tamtakin min duhsak a, min fuih a leh Mizo player-te tana thil hlutak a ni tih kan hria a; theihtawp kan chhuah zui a ni.

Kan hruaitu hluite zarah he hun hi kan thleng a, kan fans ruhkawl tak takte; a bik takin mual min liamsan tawhte kan ngaizual a. He hun ropui tak hi han tawng ve se, nuam an ti dawn lutuk. An tan he kan I League kai pawh hi kan hlan a ni.