Conte enkawl Napoli an chak zel

Antonio Conte enkawl Napoli chuan Inter Milan hnen aṭangin Serie A nomawi chhuhsak ngei an la tum zel. Inrinni zan khan Naples club hian Monza chu 1-0 in an hneh, goal awmchhun hi midfielder Scott McTominay-a khung a ni.

Team pahnih te inkhelh hma leh a hnuah boruak a sang a, fans zingah buaina siam pawh an awm hial. Napoli ṭantute zingah ngei pawh an coach Conte-a sawiseltu an awm, player a siksawi danah ṭhenkhat an lungawi lo.

Mahse, Conte chuan, "Hmathlir thui tak kan nei a, chumi ti hlawhtling tur chuan hma lam kan pan zel. Match tin hi a inang veka khelh theih a ni lo a, min auel tute chhan erawh ka tum lo, kal dan ngaiin ka kal ang," a ti.

Inkhel dangah AS Roma chuan Eldor Shomurodov-a goal khat hmangin Hellas Verona chu 1-0 in an hneh a, match 33 aṭanga point 57 hmuin parukna an ni mek - palina Juventus an phak lohna chu point hnih chauh a ni a, season thara Champions League khelh an tum ngam.