Bayern-in Heidenheim an sawp

Bundesliga champion ni turin Bayern Munich chuan kawng dik an zawh zel a, khualmualah Heidenheim chu 4-0 ngawtin an sawp - match li khelh tur la awmah point kuain hma an hruai fal tawh.

Bayern tan Harry Kane chuan goal hmahruai khungin, Konrad Laimer, Kingsley Coman leh Joshua Kimmich te chuan goal khat ṭheuh an khung. Heidenheim lamin a chhanletna tur an neih loh avangin an tlawm.

Kum 31 mi Kane hian tun season inelna hrang hrangah match 43 khelin goal 36 a khung tling ta der a, assist vawi 12 a nei bawk - a career-a a vawi khat nana champion nomawi chawi turin kawng dik a zawh zel.

Bayern hi anmahni hnaih bertu Bayer Leverkusen aiin point kuain an sang a, Xabi Alonso enkawl team hi nizan khan inlanin, an result kan hre hman lo - an chak a nih chuan Bayern nena an inkar hi point rukin an sawr zim leh thei ang.