AIFF-FIFA Academy trial

AIFF-FIFA Academy-a awm tur zawnna chu nimin khan Chite Veng Playground-ah neih ṭan a ni a, naupang 400 bawr vel an kalkhawm. Trial hian April 25, 2025 thleng a awh dawn a; April 23, Nilaini thleng hi mipa pual bik a ni.

April 24-25, 2025 hi hmeichhe pual bik a ni dawn a, kum 2010-2011 a piang chin tan a ni ang. Trial a tel duhte chuan link tinyurl.com/2vnnkyzw-ah registration tih lawk tur a ni a, online-a ti thei lo tan pawh a hmuna tihpuitu tur an awm dawn.

Trial turte hian original document (birth certificate) ken tur a ni a, mahni tiffin leh tui inken tur a ni a, sports dress kimchang ken tur a ni. Trial turte hi April 23 leh 25-ah zing dar 9:30-ah ground-a kim tur a ni a, April 22 & 24-ah zing dar 8:30-ah ground-a kim tur a ni.