Vawiin aṭangin inter district cricket tournament

Cricket Association of Mizoram (CAM) buatsaih - Inter District Cricket Tournament vawi 4-na chu vawiin aṭang hian Siaha khawpuiah khelh ṭan a ni ang.

Tournament hi Cricheroes App-ah live score en theih a ni ang a, Siaha cable network lamah live telecast a pekhchhuah tum a ni bawk. A vawik hat na atan semifinal leh final match hi live a nih dawn bakah 3rd Umpire rawn (refer) theih tura ruahhmanna kalpui a ni bawk.

Inter District Cricket Tournament-ah hian CAM hnuaia recognized district sawm zinga District Cricket Association (DCA) pakhua - Kolasib, Mamit, Champhai, Saitual, Lunglei, Hnahthial, Siaha, Lawngtlai leh Serchhip district te'n Mizorama district thiam ber nih an in chuh dawn a ni.

Khawzawl district tih loh chu an tel thei vek a; Aizawl district hi Board of Control for Cricket in India (BCCI) affiliation hmuh hma aṭanga Cricket Association of Mizoram (CAM) anga a function ṭhin avangin tun dinhmunah chuan a hrana din a la ni lo a ni.

Tournament hi T2O format a khelh tur niin, khelmual (ground) pahniha khelh tur niin, April 26, Inrinniah final match khelh tura ruahman a ni.

District inelnaah hian Kolasib chu a hmasa pahnihah an champion a, a hnuhnung berah khan Serchhip an champion thung.