Alcaraz hnehin Rune a champion

Holger Rune chuan Carlos Alcaraz hnehin a vawi khat nan Barcelona Open nomawi a chawi a, atan hun chhinchhiah tlak bik thleng tur hian 7-6 (8/6), 6-2 in a chak a ni.

Clay court bikah chuan Alcaraz hi hmachhawn chakawm loh tak mai a ni a, mahse huaisen taka bei ngamtu Rune a hlawhtling. Clay-ah Alcaraz hian a match hnuhnung 23 aṭangin vawi hnih chiah chak loh a nei hial.

Denmark tlangval Rune chuan, "Alcaraz hneh tur chuan Novak Djokovic ang maia khelh a ngai tih ka hria a, chumi tur chuan ka infuih bawk, set khatna harsa taka ka lak hnu kha chuan irintawkna ka neih belh a, thil a awlsam phah tawh a ni," a ti.

Rune hian kum hnih hnuah ATP Tour title a la leh chiah a ni a, kum 2022 Paris Masters nomawi a chawi hnuah tun ṭum hi title a lak leh zinga lian leh hlu ber a ni nghal bawk.

Grand Slam vawi li champion tawh Alcaraz erawhin a duhthusam a ti puitling thei rih lo, inelna lian French Open hmain clay court tounrmanet dangah hlawhtlin leh hmasak phawt a tum ngei ang.