Chennai lakah Mumbai Indians an chak

Indian Super League khelh laiah Pathianni zan khan Mumbai Indians tan Rohit Sharma a inlar a, haf century siamin a team hi Chennai Super Kings lakah wicket kua in hnehna a chanpui.

India captain hian tun season IPL bika run a siam tam ber ṭum chu 26 chauh a ni a, mahse insiamṭhain Super Kings lakah ball 45 a hmachhawn aṭangin run 76 a hlap chhuak a, over 16 lekah an target (177 runs) an tlin.

Kum 37 mi Rohit Sharma tan mellung pawimawh a ni nghal - Indian Premier League-ah hian run siam tam lamah Shikhar Dhawan (6,769) a khum a, pahnihna dinhmun a luah ta chiah.

IPL-a run siam tam ber chu Virat Kohli (8326) a ni a, ani leh Rohit Sharma te hian inkhelh an la chawlhsan loh avangin run an siam belh zel dawn a, pakhatna ni lai Kohli erawh umphak a harsa ang.

Mumbai Indians hian tun season IPL match riat an khelh tawh chinah vawi li chak tawhin parukna an ni mek a, an hneh tak Chennai Super Kings hi vawi ruk tlawm tawhin team 10 inel zingah a hniam ber an ni.