A vawi thum nan Zverev champion

Alexander Zverev chuan a kum 28 tlin cham lawm nan nomawi a chawi. ATP Munich Open final-ah Ben Shelton chu 6-2, 6-4 in a hneh a, a vawi thum nan a champion.

German tlangval hi an ramna inelna neihah seeded pakhatna a ni a, harsatna lian tham pawh a tawk lem lo. Australian Open 2025 hnua final a khelh lehna hmasa ber niin, world number 15 lakah inkhel a thunun ṭha hle.

Tun hmain Philipp Kohlschreiber chuan Munich Open nomawi hi vawi thum a lo chawi tawh a, tunah Zverev-a'n a rawn nih rual ta chiah, tennis a khelh china title 24 a lak tlinna a ni ta chiah bawk.

May thla chawhnu lamah French Open khelh a ni dawn, tun ṭuma tournament an khelh ho pawh hi clay court inelna lian atana inbuatsaihna a ni hlawm a, champion mai bakah inrintawkna neih belh nan a pawimawh hle.