East Bengal an tla nghal

Indian Super Cup-ah champion lai East Bengal an tla nghal - Kolkata club hian Pathianni zan khan Super Cup match hmasa ber an khel a, mahse, Kerala Blasters lakah 2-0 in an tlawm.

Blasters tan Jesus Jimenez leh Noah Sadaoui ten goal khat ve ve an khung a, Kolkata club-in a chhanletna tur an neih loh avangin Super Cup an mangṭha zui.

East Bengal tan Lalchungnunga chuan inkhel bul ṭanin, striker David Lalhlansanga chu bench aṭanga luhtir a ni a, Blasters tan midfielder Freddy Lallawmawma chu bench aṭangin a lut bawk.

Pathianni zan inkhel hi Blasters tan coach thar David Catala hnuaia an match hmasa ber a ni. Kum 44 mi coach hian player a nih laiin Espanyol leh Celta Vigo tan pawh a lo khel tawh ṭhin.

Coach a nih hnuah Cypriot top division club AEK Larnaca leh Apollon Limassol a enkawl tawh a, Croatian top flight league club Istra 1961 a enkawl tawh bawk. Blasters a enkawl hma lawk hian Spanish fourth division club CE Sabadell FC a enkawl a, January khan an ban.