MPLU17-ah Aizawl FC an che ṭha zel

Mizoram Premier League Under 17 chu nimin khan RG Stadium-ah khelh chhunzawm a ni a, hmahruaitu Aizawl FC-in Kulikawn FC 5-0 in an sawp. SYS FC pawhin semifinal khelh phak ngei an tum tih lantirin Mizoram Police 1-0 in an hneh bawk. Dinthar FC leh Saikhamakawn te 2-2 in an inhnehtawk a, Saikhamakawn hian injury time-ah siphurh a sut hram.

Match hnuhnung berah Chanmari FC-in Kanan 3-0 in an hneh a, Aizawl FC nen an inkarah point hnih chiah a awm. April 25, Zirtawpni hian inelna hi chhunzawm a ni ang.