Branch 108-in entry fee an pe tawh

22nd Inter Branch YMA Football Tournament 2025-ah branch 108-in entry fee a pe tawh a; April 25, Zirtawpni thleng entry fee hi a pek theih. CYMA Football-ah hian team tel tam ber ṭum chu kum 2015 niin team 191 an tel a,a tlem ber ṭum chu inelna neih ṭan kum 1985 kha niin team 32 an tel.

CYMA Football-in ngaihhlut a hlawh chho zel a, kum 2002 hnu lamah phei chuan branch 100 an la tel ziah. Kum 2019-a inelna neih a nih khan branch 110 an tel a, hei hi kum 2004 hnua team tel tlem ber ṭum a ni.

Covid-19 vangin inelna a awm lo reng a, kum 2023-a inelna neih a nih leh khan branch 145 ngawt an tel. Hri len hnuah inelna a awm ngun deuh avangin veng/khua inelna pawhin ngaihhlut a hlawh tawk lo. Kuminah erawh inelna buatsaihtu CYMA leh MFA lamin Voter ID neihna chauha khelh an rel a, ngaihven a hlawh phah hle.

Tun ṭum inelnaah hian veteran player tel tur ṭhahnem tak an awm tih hriat a ni a, voter ID la nei lo pawh an ṭhahnem dawn. Veng/khua tam tak takin team ṭha din tumin player an inkhawrh a, MPL club tan pawh player zawnna hun ṭha a ni thei ang.