TABF Taekwondo Fight Night buatsaih dawn

Mizoram Amateur Taekwondo Association (MATA) rem tihnain - Mizoramah a vawi khat nan Taekwondo Academy Of Best Friends (TABF) ten Taekwondo fight night chu April, 25 Zirtawpni zan hian MATA Hall, Republic Vengthlangah an buatsaih dawn.

He hunah hian ennawm chi hrang hrang en tur a awm dawn a, Mizorama taekwondo thiam ber ber ten kyorugi (fight) an khel ang a, poomsae (basic) entir a ni bawk ang. Demonstration hmuhnawm tak en tur a awm dawn bawk a ni.

Kyorugi (fight) khel tur Vanlalmawipuia hi Mizoram a champion of champion nilai niin, kum 5 a zawn in he title hi a hum mek. Mawipuia hian Mizoram tan medal tam tak lo la tawh in international huangah te pawh a lo khel tawh.

Hmeichhe lamah R. Lalbiaknuami, Mizoram champion of champions nilai leh Lalrinngheti Sailo, National Senior a medal la tu te an in tum bawk ang. R. Lalbiaknuami hi Edentharah awm in tunah hian India ram a taekwondo zirna tha National Center Of Excellence (NCOE) Guwahati taekwondo a zir mek, Mami hi National huangah medal tam tak ala tawh in champion of champions nilai a ni bawk.