Chanmariin Klasa an sawp

I League kai thar Chanmari FC-in I League 2 match hnuhnung berah Manipur club Klasa chu an mualah 8-0 in an sawp. Mizo club tan hian Moses Lalrinzuala, PC Rosangzuala leh Paul Ramfangzauva ten goal hnih ṭheuh an khung a, Lalthankima leh K. Lalhmangaihkima ten goal khat ve ve a khung bawk.

Mizo club hian match 16 aṭangin point 33 an hmu a, vawi 10 chakin vawi thum ve ve inhnehtawk leh chak lo an nei. Dipankur Sharma hote hian Manipur club pathum Neroca, Trau leh Klasa te chu vawi hnih ṭheuh an hmachhawn a, hnehna chang vekin I League 2-ah Manipur club ṭum ruk an hneh tihna a ni.