Badminton Academy trial nei dawn

TATA Trusts, NEIDA, Pullela Gopichand Badminton Academy (PGBA), Mizoram Sorkar leh Mizoram Badminton Association (MBA) te thawhhona aṭanga din, badminton zirna Regional Competitive Training Centre (RCTC), Zuangtui chuan vawiinah hian an hnuaia badminton zir duhte tan trial an buatsaih dawn.

Vawiin chawhma dar 10:00-ah trial hi neih tur niin, kum 2007 hnu lama piangte tan a ni a, Mizoram Badminton Centre, Zuangtuiah trial hi neih tur a ni ang. RCTC, Zuangtui hi PGBA coach, Eddie Lalfelkima leh Lalrinchhana ten an enkawl mek a, he academy chhuak naupang engemaw zatin phai lam academy-ah an zir chhunzawm tawh.

Trial hmachhawn duh tan, https://tinyurl.com/4zxdpwuy link-ah hian lutin, google form fill up-a inziah luh mai tur a ni a, link-a lut kher lo pawhin, QR code tarlan hi scan mai tur a ni.