CYMA Football-ah team 154 tel dawn

LBS Suzuki 22nd Inter Branch YMA Football Tournament-ah team tel tur zat a chiang ta a, branch 154 an tel dawn. CYMA Football team tel tam ber dawttu a ni a, an tel tam ber ṭum chu kum 2015 niin branch 191 an tel.

Tun ṭum inelnaah hian Voter ID hmanga player-te awmna veng/khua a ni a, Voter ID la nei lo tan Aadhaar Card hman tur a ni. Aadhaar Card thlawp nan hian Voter ID (A nu/pa Aadhaar Card-a inziak) emaw ration Card emaw digital birth certificate te hman tel a ngai thung.

Pet hawnna hi April 29, Thawhlehni zan hian CYMA Hall-ah neih a ni dawn a, hemi hma hian manager's meeting neih bawk tur a ni. Inelna hi May 6, Thawhlehnia khelh ṭan tur a ni.